तुम्हाला कोण आनंदात ठेवतं ?


एकदा एका वक्त्याने श्रोत्यांमधील एका महिलेला विचारले,
तुमचा नवरा तुम्हाला आनंदात ठेवतो का?

तिच्या शेजारी बसलेल्या पतीच्या चेहऱ्यावर हसू उमटले. तो आत्मविश्वासाने पत्नीकडे बघू लागला. त्याला पूर्ण खात्री होती, की ती हो असंच म्हणेल. कारण तिने लग्न झाल्यापासून कधीच काहीही तक्रार केलेली नव्हती.

पण त्याच्या बायकोने स्पष्ट आवाजात उत्तर दिलं, नाही. ती म्हणाली, माझा नवरा नाही ठेवत मला आनंदात!

तिच्या पतीला हे अनपेक्षित होतं. तेवढ्यात ती पुढे म्हणाली, मला माझ्या नवऱ्याने आनंदात ठेवले नाही, मी स्वत:च आनंदात राहते.

मी आनंदी असावं की नाही याच्याशी त्याचा काहीच संबंध नाही. माझा आनंद पूर्णपणे माझ्यावरच अवलंबून आहे.

कुठल्याही परिस्थितीत, आयुष्यातल्या प्रत्येक क्षणी मी आनंदीच राहते. जर माझा आनंद कुणा दुसऱ्यावर, एखाद्या वस्तूवर किंवा विशिष्ट परिस्थितीवर अवलंबून राहिला तर ते माझ्यासाठीच कठीण होऊन बसेल.

आयुष्यातली प्रत्येक गोष्ट सतत बदलत असते माणसं, संबंध, आपलं शरीर, हवामान, आपले ऑफिसातले बॉस, सहकारी, मित्र, आपलं शारीरिक आणि मानसिक आरोग्य ही यादी न संपणारी आहे.

त्यामुळे काहीही झालं तरी आपण आनंदी राहायचं हे मीच ठरवायला हवं ना. माझ्याकडे खूप काही असलं काय किंवा काहीच नसलं काम मी आनंदीच असते!

मला कुठे बाहेर जायला मिळालं काय किंवा घरात बसून राहावं लागलं काय, मी आनंदीच राहीन! मी श्रीमंत असले काय किंवा गरीब राहिले काय, मी आनंदीच असेन!

माझं लग्न झालेलं असलं तरी लग्ना आधीही मी आनंदीच होते कारण मी आनंदी आहे ती माझ्या स्वत:मुळे!

माझं जगणं दुसऱ्या कुणापेक्षा जास्त चांगलं आहे म्हणून मी आयुष्यावर प्रेम करते असं नाही, तर आनंदात राहायचं हे मी स्वत:च ठरवलं असल्यामुळे मी आनंदी आहे.

माझ्या आनंदाची संपूर्ण जबाबदारी मीच घेतली असल्यामुळे माझ्याबरोबर जगणाऱ्या कुणालाही मला आनंदी ठेवण्याचं ओझं बाळगावं लागत नाही. त्यामुळे माझ्याशी बोलता-वागताना त्यांना अतिशय मोकळेपणा जाणवतो. आणि यामुळेच मी इतकी वर्ष आनंदात संसार करू शकले. तुमचा आनंद कधीही दुसऱ्या कुणाच्या हाती जाऊ देऊ नका.

बोध :
वातावरण चांगलं नसलं तरी आनंदी राहा, आजारी असलात तरी आनंदी राहा, कठीण परिस्थितीत, पैसे नसले तरी आनंदी राहा, कुणी तुम्हाला दुखावलं, कुणी तुमच्यावर प्रेम करत नसलं, अगदी तुम्ही किती मौल्यवान आहात हे ठरवू शकत नसलात, तरी आनंदी राहा.
तुम्ही स्त्री, पुरुष कुणीही, कितीही वयाचे अस असाच विचार करायला हवा; नाही का?
        

Comments

Post a Comment

Popular posts from this blog

यशस्वी जीवन जगायला शिकवणारी विद्या | The knowledge that teaches how to live a successful life.

Image
        मला असे निरस आणि शूद्र जीवन नको. जीवनात आकाशातल्या विजेसारखे चैतन्य Spark असला पाहिजे. देवाने मला दीर्घायुष्य दिले नाही तरी चालेल, पण त्यात चैतन्य असले पाहिजे.         जीवनात काहीतरी करायचं आहे, जीवणाचा दृष्टिकोन बदलायचा आहे तर त्यासाठी उपनिषद वाचले पाहिजे. तर जीवनदर्शन मिळेल. भार्गवी आणि वारुणी विद्येमध्ये हे जीवनदर्शन आहे. त्याच्याने शुद्ध जीवनाची ओढ निर्माण होईल, तेजस्वी जीवनाची ओढ निर्माण होईल, दैवी जीवनाचा लोभ जडेल. आणि प्रगती साधण्याची मनिषा निर्माण होईल. गिबनने पंचवीस पंचवीस वर्ष इतिहास लिहिला. त्यासाठी त्याने किती परिश्रम घेतले असतील! त्याने लिहिलेल्या इतिहासाशी आपण सहमत असू की नाही ही स्वतंत्र गोष्ट आहे. पण त्याला इतिहास लिहिण्याचे जणू काही वेडच लागले होते. ज्या दिवशी त्याने लेखन पूर्ण केले आणि हातातली लेखणी खाली ठेवली त्या दिवशी तो अखेर रात्रभर रडला. त्याला वाटले की आता उद्या सकाळी मी काय करू? पण भागवत् भक्त अशाप्रकारे रडत नाहीत कारण आता मी काय करू असा त्यांना प्रश्न पडत नाही. ते सतत भगवंताचे काम करीत असतात; जे क...
Read more

गीता जयंती — जीवनाला नवं प्रकाश देणारा दिवस

Image
कुरुक्षेत्राच्या रणांगणावर एक क्षण असा उगवला होता, ज्याने पुढील हजारो वर्षांच्या मानवविचाराला दिशा दिली. त्या क्षणाचं नाव — गीतेचा जन्म, आणि त्या दिवशीचा स्मृतिसण म्हणजे गीता जयंती. मार्गशीर्ष शुद्ध एकादशी, अर्थात मोक्षदा एकादशी, हा दिवस फक्त धार्मिक दृष्टिकोनातून महत्त्वाचा नाही; तर तो मानवी अंतःकरणाला नवा आकार देणारा दिवस आहे. आजच्या आधुनिक संघर्षांत, धावपळीच्या जीवनात, ताण-तणावांनी झाकोळलेल्या मनस्थितीत, गीता जयंती एखाद्या प्रसन्न शीतल क्षणासारखी येते— “थांब… स्वतःकडे वळ… आतलं कुरुक्षेत्र ऐक…” असा संदेश देत. १. गीता — अंतःविरोधातून जन्मलेली प्रकाशरेखा अर्जुनाचा आक्रोश आपण प्रत्येकजण कुठेतरी जगतो— कर्तव्य आणि भावना, सत्य आणि आपलेपणा, आदर्श आणि व्यवहार यांच्या दरम्यान. कुरुक्षेत्र हे फक्त बाह्य युद्ध नव्हतं; ते मानवमनाचं सर्वाधिक ज्वलंत प्रतीक होतं. गीता जयंती म्हणजे या अंतःविरोधांचा सन्मान करण्याचा दिवस — कारण विरोधच प्रश्न जन्माला घालतो, आणि प्रश्नच उत्तराचा मार्ग उजळतो. २. आधुनिक माणसासाठी गीतेचा संदेश — साधा पण गहन “कर्मण्येवाधिकारस्ते…” हा मंत्र आजच्या युगातील सर्वां...
Read more

मनुष्य गौरव दिन

Image
युगपरिवर्तनाचा अलंकार — प.पू. पांडुरंग शास्त्री आठवले कधी काळाचे प्रवाह मंदावतात. मूल्यांचे पाणी आटत जाते. मानव आपल्याच सावलीला ओळखू शकत नाही इतका भ्रमिष्ट होतो. अशा वेळी निसर्ग आपली चूक दुरुस्त करण्यासाठी एखाद्या तेजस्वी पुरुषाचा जन्म घडवतो. तो येतो, पण तो काही शिकवायला येत नाही — तो केवळ स्मरण करून देतो. आपल्यामधल्या दैवीतेचं, आपल्या असण्याचं, आणि जीवनाच्या अर्थाचं. अशाच तेजोमय स्मरणाचे मूर्त रूप म्हणजे प.पू. पांडुरंग शास्त्री आठवले — दादाजी. १. युगाला नवा श्वास त्यांनी जेव्हा “स्वाध्याय” हा शब्द उच्चारला, तेव्हा तो केवळ ग्रंथांचा नव्हे, तर आत्म्याचा अभ्यास होता. त्यांनी सांगितलं — “देव माझ्यात आहे, आणि तुझ्यातही आहे. मग मी तुला परका कसा समजेन?” ही एकच ओळ जग बदलवणारी ठरली. कारण यात प्रेम होतं, पण कर्माशिवायचं नव्हतं; तत्त्व होतं, पण जीवनाशिवायचं नव्हतं. ही ओळ ‘सर्वभूतेषु आत्मानं’ या उपनिषद् सत्याचं व्यवहारातलं मूर्त रूप होती. २. धर्माचा नवविचार त्यांनी धर्माला मंदिरांच्या भिंतींतून मुक्त केलं. त्यांनी सांगितलं — “धर्म हा निष्ठेचा प्रवास आहे, नियमांचा नव्हे.” ही कल्पना इतक...
Read more